VISITAS SÓ DURANTE OS MESES DE XULLO E AGOSTO
ACCESO PROHIBIDO O RESTO DO ANO.
A lonxa de Burela abre ao público para amosar a poxa diaria de peixe en visitas guiadas de 1 hora de duración.
Durante o percorrido coñeceremos o seu funcionamento, a actividade pesqueira e a importancia do porto de Burela.
A lonxa de Burela, xestionada por ABSA (Armadores de Burela S.A.), foi a primeira do mundo en utilizar desde 2021 un sistema de poxa oral totalmente automatizado.
Esta lonxa é líder en comercialización de pescada do pincho e bonito do norte, produtos de máxima calidade capturados con artes de pesca sostibles e respectuosas co medio mariño. Pero Burela non só é pescada e bonito, tamén conta cunha gran variedade de peixes e mariscos galegos. Diariamente na nosa lonxa se poxan máis de cen especies distintas.
Rutas Galicia Norte e ABSA (Armadores de Burela SA) únense para poñer en valor o traballo realizado día tras día polas xentes do mar e achegalo ao consumidor.
HORARIO:
Luns – ás 18:00 h no punto de encontro (especificado máis abaixo)
Martes, mércores e xoves – ás 19:00 h no punto de encontro (especificado máis abaixo)
TARIFAS:
• Adultos: 8 €
• Menores* (12-18 anos): 5 €
*(Menores de 12 anos: gratuito)
SOLICITUDE DE RESERVA: FORMULARIO
*A reserva só estará confirmada cando reciban resposta e despois do pagamento.
*Todos/as os/as menores de idade deben ser anotados/as obrigatoriamente, incluídos os bebés.
Onde estamos?
Punto de encontro: Salón de actos no 1º andar da nave da lonxa (entrando pola porta principal e subindo as escaleiras)
